[Découverte] Guillaume de Machaut (1300-1377) : Douce Dame Jolie, virelai

ancien français, Poèmes, poèmes médiévaux, poésie

23.12.2014 …

Par Imryl le Faé

Guillaume de Machaut (1300 – Avril 1377) : Douce Dame Jolie, virelai.

Douce dame jolie,

Pour dieu ne pensés mie
Que nulle ait signorie
Seur moy fors vous seulement.

Qu'adès sans tricherie
Chierie
Vous ay et humblement

Tous les jours de ma vie
Servie
Sans villain pensement.

Helas! et je mendie
D'esperance et d'aïe;
Dont ma joie est fenie,
Se pité ne vous en prent.

Douce dame jolie...

Mais vo douce maistrie
Maistrie
Mon cuer si durement

Qu'elle le contralie
Et lie
En amour tellement

Qu'il n'a de riens envie
Fors d'estre en vo baillie;
Et se ne li ottrie
Vos cuers nul aligement.

Douce dame jolie...

Et quant ma maladie
Garie
Ne sera nullement

Sans vous, douce anemie,
Qui lie
Estes de mon tourment,

A jointes mains deprie
Vo cuer, puis qu'il m'oublie,
Que temprement m'ocie,
Car trop langui longuement.

« Article précédent Article suivant »

Retour à l'accueil

Partager cet article

Repost0

Commenter cet article